Aktibo Dabawenyo Barangay Marilog
Katloan, 30 ka mga batan on, milugsong gikan sa kabukiran aron maka apil sa programa sa Aktibo Dabawenyo didto sa Marilog proper niadtong milabay nga Martes, Nobyembre 16, 2021.
Napulo ug lima sa matag grupo sa babaye ug lalaki ang gitudluan sa husto nga pamaagi sa pagdagan alang sa ilang proteksyon nga ma layo sa disgrasya ug maka lahutay sa ilang pag dagan.
“Dakong tabang alang nako” matud ni Sherwin Pagusan, badminton player ang mga lektura kay akong natun an ang husto nga panglihok sa pag dagan. Ang akong naandan, mo paturatoy lang.
Si Ayesha Quibol sa Batang Pinoy National ug Palarong Pambansa sa dulang table tennis nag pasalamat nga naabot sa hilit nga barangay ang programa sa City Sports Development Division ubos sa buhatan ni Mayor Sara Duterte Carpio kay daghan ang potential nga mga atleta nga wala lang hikaplagi diha sa kabukiran. “Unta,molambu ug magpadayon ang maong programa ngadto sa mga barangay.
Ang Aktibo Dabawenyo gimugna sa Sports Development Division sa buhatan sa Mayor aron matabangan ang sektor sa mga batan on ug kabataan, pag kaplag ug potential nga mga atleta bisan sa panahon sa pandemiya.
Nag malampuson ang programa sa Marilog uban sa suporta sa Milo ug sa SK Council sa ilang barangay
